search
Tere Irastortzaren liburuak
Izen gabe,direnak Haurdunaldi beteko khantoriak
Tere Irastortzaren liburuak
Manual devotio gabecoa edo ibilgailuetara erabiltzeco escu-liburua
Tere Irastortzaren liburuak
Gabeziak khantoreak / Izen gabe direnak/ Glosak Esana zetorrenaz
Tere Irastortzaren liburuak
Derrotaren fabulak / Hostoak
Tere Irastortzaren liburuak
Izendaezinaz / Gabeziak
Tere Irastortzaren liburuak
Eta orain badakit / Siete poetas vascos/ Osinderdeko kantoriak
Tere Irastortza (Zaldibia, Gipuzkoa, 1961) euskal idazlea da. Euskal Idazleen Elkartearen presidente izendatu zuten 2001ean, eta kargu hartan aritu zen 2006 arte. Euskal Pen Klubaren sortzaileetarikoa. Beasaingo Andramendi Ikastolako zuzendaria. Bergarako Idazle Eskolako sortzailea, irakaslea eta zuzendaria, sortzetik (2003).

AZKEN BERRIAK

Emakumeak idazle 2018an

Erabiltzailearen balorazioa: 0 / 5

Star InactiveStar InactiveStar InactiveStar InactiveStar Inactive

emakumeak idazle 2018Urtero, martxoaren 8an, emazteen eskubideen nazioarteko eguna kari, Euskal PEN klubak afixa bat zabaltzen du agerian ezartzen dituenak azken 12 hilabeteetan euskaraz argitaratu duten emazte idazleak.

Aurten ohoreztatuak direna emazteak (eta obrak) hauek dira: Alaine Agirre, Uxue Alberdi, Itxaro Borda, Beatriz Chivite, Garazi Arrula Ruiz (itzultzaile), Arantxa Iturbide,Tere Irastortza, Ana Malagon, Kattalin Miner, Eider Rodriguez, Lola Sarratea, Danele Sarriugarte, Nerea Arrien, Garazi Arrula Ruiz, Miren Garate, Beatriz Fernandez, Mari Luz Esteban, Irati Agirreazkuenaga Onaindia, Jule Goikoetxea, Maddi Zubeldia, Mila Salterrain, Maialaen Berasategi (itzultzaile), Hiromi Yoshida (itzultzaile), Irene Aldasoro (itzultzaile), Koro Navarro (itzultzaile), Miren Arratibel Garmendia (itzultzaile), Itziar Diaz de Ultzurrun, Maribel Aiertza Rementeria, Ainara Azpiazu, Leire Bilbao, Arrate Egaña, Lur Gallastegi, Oihane Fernandez, Maia Ossa Rissanen (itzulepna), Garazi Kamio, Antxiñe Mendizabal Aranburu, Mari Eli Ituarte (itzultzaile), Eva Linazasoro, Castillo Suarez, Jasone Osoro, Uxoa Iñurrieta, Iraitz Urkulo, Ana Jaka Garcia.

Mundua zatikatzeko, hobe literatura

Erabiltzailearen balorazioa: 5 / 5

Star ActiveStar ActiveStar ActiveStar ActiveStar Active
tere txoriakMundua zatikatzeko, hobe literatura

Tere Irastortza, ‘Txoriak dira bederatzi’, Pamiela, 201729

Ezbairik gabe, une antologikoak eskaintzen dizkigun liburu baten aurrean gaude Pamielak argitaratu berri duen Tere Irastortzaren Txoriak dira bederatzi honekin. Edozein ataletan aurkitu ditzake literatur zale zorrotzenak harribitxirik hoberenak, milaka baitaude. Liburua ireki eta ustekabean baten bat agertuko zaio, esaterako: “Hitz bat falta zaizun bakoitzean ez da dena delako hori zer den ez dakizulako, adierazi ezin duzulako baizik”. Bi dituzu esanezina eta ezin esana. Baina badaude ere aura filosofikoa duten fragmentuak (“Hutsa okupatzen duen hautsak ez du hutsaren berririk. Ez hautsak hautsi izanarena hutsak. Hitza, baina, kontzientzia da”) edo aforismo sinpletzat har ditzazkegunak (“Porrotaren perspektiba ez galtzeak ematen duen askatasuna”).

Ziurrenik Irastortzak aspaldi gordeta zituen argitaratu gabeko idazki ugariez eraikitakoa da Txoriak dira bederatzi, baina baliteke ezetz, denak berriak izatea eta liburu honen baitan izateko kontzientzia eta asmoarekin idatziak izatea. Kronikak, saiakera, eleberri bat edo poemak idazterakoan euskarri moduan idazten ditugun testuak izan litezke, burutazioez beteta. Pasarte batean Irastortzak halaxe dio: “Koadernora ez iristea, ispilura ez begiratzea bezalakoa da: desagertu nahia, desagertze- saiakera edo desagertze- froga absolutuenetakoena”.

Desagertze nahi ez hori da agian egunerokotasun eta ohar hauek apuntatzeko bulkada eman diona. Liburuak momentu poetikoak ditu, dudarik gabe, adibidez, idazlearen, poetaeren, zeregina azaltzeko hau esaten duenean: “Neure lana zein ote den. Ez dut erantzuten ia sekula. Baina bai, Haizea zaindu, iragarpena egin eta gero ekin, iristen den haizearekin nabigatzen jarraitzeko ahaleginari tinko eutsiz”.

Irastortzak zergati batzuen bilaketa- prozesuarekin batera idazlearen zeregina zein den eta zertarako balio duen eztabaidatzen du. Liburua, nolabait ere, gaika banaturik balego bezala aurkezten zaigu; fragmentu gehienek, esan beharrekoa da, aforismo tankera dute, beren laburrean, aforismotzat har baititzazkegu, eta ez dira horregatik mami gutxikoak. Badaude ere hitz jokoak (“Infinitiboan idatzi eta iraganean bizi edo infinitiboan idatzi iragana bizitzeko edo infinitiboan idatzi, denbora gabe aritzeko”), esaera zaharrak, gai batzuen inguruko hausnarketak beste batzuetan, idazle askoren itzulpenak eta bertsioak, haiekiko iruzkinak, abestiak, literatur aipamenak, eta aipamen horiekin Irastortzak aurkezten dizkigun filiak eta fobiak. Norabide bakar batean irakurtzeko ezinezkoa den liburua izango du irakurleak esku artean, hobe horregatik saltoka aritzea edo gainetik irakurtzea, zati asko, guztiak, halaber, pentsamendua astintzeko gogoarekin eginak baitaude eta irakurleak bere denbora hartu behar izango du digestioa egiteko. Liburu honetan zerbait dabil batetik bestera, bere izatea aldarrikatu nahirik. Nahastean badauka ere intimitaterako lekua, Irastortzak irakurle bezala dituen zaletasunak ere aldarrikatzeko joera hartuko duelako orrialdeak iragan ahala. Txoriak dira bederatzi hau seguruenik ispilu egokia da irakurle bakoitzak norbere nitasuna alde batera usteko eta Irastortzaren mundo poetiko eta literarioan murgiltzeko. Liburu amaigabea, onerako. Behin eta berriz bere baitara bueltatuko naizela somatu dezaket, irakurketa bakoitzak, begirada bakoitzak, ate berri bat irekiko didalakoan.

A. F.

URTARRILAREN 5ean ELKARRIZKETA Euskadi Irratian

Erabiltzailearen balorazioa: 5 / 5

Star ActiveStar ActiveStar ActiveStar ActiveStar Active

Tere Irastortza arratsaldeko saioan izango da ostiralean, gaueko 8etatik 9etara. Txoriak dira bederatzi liburuaren harira. Liburuan Iñaki Bastarrikaren irudiak daude. Hona liburuaren aurkezpenean Tere Irastortzak esandakoa.

Tere Irastortza Durangoko Azokan Txoriak dira bederatzi liburuarekin

Erabiltzailearen balorazioa: 5 / 5

Star ActiveStar ActiveStar ActiveStar ActiveStar Active
   

Ostiralean, abenduaren 8an, arratsaldeko 6etan aurkeztuko du Tere Irastortzak bere liburu berria . Testu laburrez osatutako saiakera da, saiakera poetikoa, J.A. Irigarairen hitzetan, gogoetak hainbat poemarekin tartekatzen dituena.Iñaki Bastarrikak egin ditu liburuaren ilustrazioak, eta bere hitzetan, arkatzarekin, oharrak hartuz, azpimarratuz edo marrazkiak eginez irakurtzekoa.

Eguerdian gainera EIEk Hegats aldizkairaren azken alea aurkeztuko du. Bertan Felipe Juaristik elkarrizketa egin dio T. Irastortzari, bere ibilbide poetikoa aintzat hartuz.

Gehiago irakurri...

Txoriak dira bederatzi, liburu berria

Erabiltzailearen balorazioa: 5 / 5

Star ActiveStar ActiveStar ActiveStar ActiveStar Active

Txoriak dira bederatzi, liburu berria. Tere Irastortzak liburu berria aurkeztuko du Pamielarekin.Saio eta Testigantza bilduman argitaratuko du. Testu laburrez osatuta dago: ohar, gogoeta eta hainbat poema.

ANTXETAK ITSASONTZI DIRELA/ VELEROS QUE PARECEN GAVIOTAS. Tere Irastortzaren liburu berria.

Erabiltzailearen balorazioa: 0 / 5

Star InactiveStar InactiveStar InactiveStar InactiveStar Inactive
   
pdf    

Planeta Clandestino taldeak gonbidatuta, Tere Irastortzak LogroñokoAgosto Clandestinoko ekitaldietan parte hartu du aurtengo udan. Abuztuaren 2an Itziar Ancinekin eta Nerea Hernandezekin batera aurkeztu zuen bere liburua.

Aurtengo udan Tere Irastortzak bere azken liburuaren antologia elebiduna argitaratu du. Mundua betetzen zenuten liburuko hogeita zortzi poema gaztelerara itzulita aurkeztu ditut Logroñon Abuztuan, Planeta Clandestino argitaletxearekin. Testuen itzulpena egilearena da, eta barruko irudiak Iñaki Bastarrikarenak dira.

Argitalpena zenbatutako 300 alekoa da, eta lortzeko nahi duenak, argitaletxearekin jarri behar du harremanetan, postaz liburua jasotzeko E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidean. Webgune honetan ere jaitsi dezakezue pdf-a, eta bertako poemak ere irakur ditzakezue banan-banan.

Nerea Hernandezek egin zuen aurkezpenean adierazi zuenez,

El cielo, el mar, Grecia y una conversación pretérita son recurrentes en los poemas, que cambian de estructura con la introducción de lo que parece una cuenta atrás intimista en la que las imágenes se suceden como ráfagas de luz, o con la explicación de algunos términos espolvoreados sobre las páginas: altar, frenar,...

Tere dialoga con una ausencia a la que se espera y de la que se sabe, sin embargo, que no va a regresar; mientras la vida sigue y parece cubrirlo todo, y el mar y la ciudad son el espacio infinito y la falta de este, respectivamente. Entre las cuatro paredes del papel, la vida, la muerte, la inmensidad, la ausencia, se dan cita para hablarnos como los viejos conocidos, con nuestra misma voz en palabras de otros.

 

PRESENTACION DE AGOSTO CLANDESTINO

   
   

 

 

 

 

 

OSORIK IKUSTEKO : Nerea Fernandez : PRESENTACION DE AGOSTO CLANDESTINO Argitalpena zenbatutako 300 alekoa da, eta lortzeko nahi duenak, argitaletxearekin jarri behar du harremanetan, postaz liburua jasotzeko E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidean.

  • 1
  • 2
  • 3
  • 4
  • 5
  • 6

Simple Image Gallery Extended